Sunday, February 18, 2018

....????


නැගුණි අහසක රටා පෙළහර පියඹලා යන  සියොතුනේ
පිපුණි අදහස් සුවඳ පිරිලා කවි මලක් ලෙස හැම දිනේ. ....????

Wednesday, February 7, 2018

ඇත් දත් ගත් පුත් .....


ඇත්
දත්
ගත්
පුත්
නෙත්
සිත්
මත්
වෙත්.....








(නැගුණි අහසක රටා පෙළහර පියඹලා යන  සියොතුනේ....???? )

Sunday, January 28, 2018

සැනසුමක් කෝ පෙර තරම්....


හදේ ගැඹුරුම තැනක තැවරුණු අතීතෙක සුව සිතුවිලී
වැදේ යළි යළි හුදෙකලා හිත දවයි රිදවයි මැසිවිලී
නොදේ නම් ළං ළංව උණුහුම විඳින්නට ඇය හා වෙලී
සඳේ කිව මැන කිමද හේතුව දකින්නට ඒ හසරැළී


ඇගේ සිනහව තැවුණු හිතකට අමිල විය ඔසුවක් තරම්
අගේ එය විඳි දිනක පෙරකල කඳුළු නොපෙණුනි මේ තරම්
මගේ තනියට දුකට සතුටට ගෙනා ලෙංගතු පෙම තරම්
නැගේ ගිණි දැල් වටකරන් මා සැනසුමක් කෝ පෙර තරම්....

Sunday, December 31, 2017

ළොකු අක්කගෙ ලොකු පුතයි ... පොඩි අක්කගෙ පොඩි දුවයි



ළොකු අක්කගෙ ලොකු පුතයි
පොඩි අක්කගෙ පොඩි දුවයි
උඳුවප් මහ නිවාඩුවයි
සමරන්නට ආ වගයි


ආ හැටියෙම මෙහි උදේ
මගෙ ළඟටම නිති ඇදේ
දඟ මල්ලන්ගෙන් වදේ
ළොකු මාමට හිසරදේ


වෙලට යන්න ඕනෙලූ
ඇළ බලන්න ආසලූ
බඩගින්නත් නෑමලූ
අපොයි එහෙම කිව්වලූ


නියර දිගේ දුව පැන
ගල් තලාවෙ හිඳගෙන
පින්තූරෙට ගැළපෙන
ලස්සනකට හිනැහෙන


ෆෝන් එකත් අරගෙන
ගත්තෙ ෆොටෝ ඉක්මන
සිහිවටනය අද දින
නෙතට කඳුළු ගෙන දෙන......

Saturday, December 16, 2017

මතු සසරෙ පිං පුරමු යළියළිත් ළංවෙන්න.....



පාටින්ම හැඩවැටුණු සියුමැලිය විඳි ගතට
දෑසින්ම පෙම්කළේ හදවතේ ගැඹුරකට
දෝතින්ම තුරුළුකර ගන්න සිතුනද හදට
ඈතින්ම තනිවෙන්න සිදුවුණේ අපෙ පවට


හීන එකිනෙක එතී වැටෙයි මල් පෙති මතම
ගේන දුක ඉතිරිලා ඉකිබිඳියි හිත තවම
පාන සිනහව නිසා නින්ද නැත පුන්සඳම
හීන අපෙ එළිවෙන්න දුර මදිද දින තවම


සිතු ලෙසම ළං ළංව ඔය සෙනේ විඳගන්න
පැතු පෙමක උණුහුමට හදවතින් දැවටෙන්න
මුතු කඳුළු මල් මාල එපා තව සරසන්න
මතු සසරෙ පිං පුරමු යළියළිත් ළංවෙන්න.....





(සොඳුරු සඳවතියගේ "මලක මළගම" ට ලියැවුණු ප්‍රතිචාරයයි මේ.